عشق جب عــین ذات ہو جائے
خــــــالق معـــــــجزات ہو جائے
ایک دیوی کی آنکھ ایسے لگی
جیسے مــندر میں رات ہو جائے
کتنے بیمار عـــشق بچ جـــائیں
حـــسن پر گــــر زکـواۃ ہو جائے
آنکھ پڑھنا جسے بھی آجـــائے
مــــــــاہرنفـسیات ہوجـــــــــائے
عمر بھر چپ رہو ، تو ممکن ہے
کـــن کــــہو، کائنات ہو جــــائے
عکس لیلٰی سے قیس بات توکر
عــــین ممــکن ہے بات ہو جــائے

Leave a Reply